„Секвенци од создање“ од Андреј Миневски

„Секвенци од создавање“ е тематската изложба од Андреј Миневски, што е отворена во ликовниот салон.(15.12.2017).Изложбата ја отвори уметницата Јулија Манојловска, која посочи дека преку претставувањето го пренесува неговиот творечки потенцијал во ументичкото ателје.

Скулптурите кои ги работи авторот се направени од различни материјали како дрво, пластика, цемент, метал и друго. Сепак, металот е материјал во кој го гледа сопствениот уметнички израз и креативност.

Андреј Миневски завршил Факултетот за ликовна уметност во Скопје, на отсекот вајарство во класата на професорот Исмет Рамиќевиќ.. Овој млад автор досега има реализирано повеќе изложби, а бил дел и од ликовни колонии. Учествувал на Скопје Креатива со скулптура од метал Pteranodon на карпа во 2016 година, на изложбата „ 35 години од формирањето на Факултетот за ликовна уметност“ со дело "Барам" и др. 

БИЛЕТИ ВО Т.А. БРАН И ТАБАКО КАЈ ГРАДСКИОТ СААТ

Ретроспективна изложба „Доживување“ Кристина Битракова во Прилеп

„Доживување“ е ретроспективната изложба од уметницата Кристина Битракова што е отворена во ликовната галерија на ЦК„Марко Цепенков“. Битракова се претставува со дела преку кои го пренесува дејствувањето на живиот свет околу нас.

Изложбата ја отвори Елизабета Дерменкоска – Цефи, истрочар по уметност.

- Перспективата на овие ликовни дела и графики успешно ја отсликува ретроспективата на она што некогаш, негде, како искуство го доживеал уметникот, како копнеж, спокој, исчекување, како визија, вистина, фантазија. Емоции и состојби денес веќе поминати, среќно заокружени, осозреани и растеретени од стравот пред прашањето ќе биде ли иднината?!,,- рече Дерменкоска.

Циклусот опфаќа форми создадени од душа, кои изгледаат бездушно, но сепак добиле дух поради мојата интервенција вели авторката.

- Тоа разгледување на животното наследство од минатото, а кое се јавува и во иднината, низ една креациска авантура предизвика во мене своевидно осветление на некои појасно откриени духовни слоеви кои како прибежно упориште го креираат културниот код од ова поднебје со неговите творечки животни енергии.Еднаш создадените претстави остануваат и траат додека имам способност одново да ги создавам во нивната трајност. Во постојаниот допир во длабоката и вистинската смисла на творечката намера, ја пронаоѓам суштината на развојниот тек. Во тој однос, секогаш повторно остварувам дела, повторно ги опросторувам – вели уметницата.

Битракова дипломирала на ФЛУ Скопје во класата на проф. Зоран Јакимовски, отсек графика и работи како професор. ЧЛен е на ДЛУМ и досега реализирала смаостојни изложби низ земјата, во Бугарија, Германија, била дел од групни претставувања во Германија, Турција, Бугарија, а учествувала на ликовни колонии и добитник е на повеќе награди, меѓу кои наградата Фениск за значајни достигнувања од областа на уметноста. 

Изложба од Анѓел Димовски Чауш

,,Антроморфен и зооморфен имагинариум,, е тематската изложба од Анѓел Димовски Чауш отвотрена во ликовната галерија (24.11- 7.12.2017) Уметникот се претставува со скулптури, цртежи и објекти, кои генерираат и суптилно варираат од современата западно европска ументост, преку влијанија од големиот опсег на синкретичната уметност од минатите периоди на развој на уметноста и традициите.

Изложбата ја отвори Елизабета Дерменкоска Цефи.

-Уметничките оставрувања на Анѓел Димовски создадени во сегашноста се всушност еден вид спона помеѓу минатото и иднината што ни следи.

Димовски во едните извајал, а во другите ја насликал силно и сугестивно нашата врска со древното во нас. Има нешто што не успокојува во овие дела, тоа можеби е континуитетот за нашето постоење раскажан со уметничкиот јазик на уметникот - вели Дерменкоска, според која уметничкиот опус на Димовски начнува многу теми и сите тие директно се однесуваат и го слават животот, начинот на кој го живееме и грижата за древното.

Уметникот има завршено ФЛУ во Скопје, вајарски отсек во класата на проф.Димо Тодороски. Реализирал повеќе изложби во земјата и во странство, бил учесник на колонии, учествувал на конкурси, добитник е на награди, а остварил повеќе студиски патувања во Италија, Франција, Шпанија, Германија, Грција, Египет, Турција, САД...

Интересна инсталација на Перо Кованцалиев

„365 килограми живот“ е насловот на уметничката инсталација што е поставена во галеријата „Борко Лазески“. Изложбата, што ја отвори историчарот по уметност Елизабета Дерменкоска – Цефи, е дело на уметникот Перо Кованцалиев од Гевгелија кој живее и работи во Скопје.

Инсталацијата е составена од таканаречени биобалони, орган кој претходно бил дел од жив организам. Тоa е мочниот меур кај животното кој е препариран и исполнет со воздух.

-Со тоа се создава сличноста со балоните во секојдневието кој најчесто се дел од некоја прослава со цел да го разубават и декорираат просторот околу нас. Овие биобалони го одсликуваат последниот здив кај животното. Животно кое е насилно размножувано, измачувано, тероризирано и на крај убиено, за истото да се понуди на пазарот како производ од кој се профитира – вели авторот.

Тој е мултидисциплинарен уметник кој работи низ повеќе визуелни медиуми и пракси. Во неговиот главен интерс е следењето на општествените промени како локалните така и глобалните каде што својата визуелна интерпретација ја преточува во еден вид на коментар кој е во прилог на одржливиот развој на животната средина, каде човекот ја има најважната улога. Во неговите дела материјалот има секундарна важност во однос на идејата. Тоа е лесно видливо во опусот на неговото творештво каде користи различни материјали и пракси за материјализирање на идеата. Низ скулптурата, сликарството, графиката, кинетиката, дигиталните медиуми како видеото и фотографијата, инсталацијата, се уметничките форми на неговото визуелно изразување.

Перо Кованцалиев е уметник кој има завршено средно уметничко училиште во Скопје а, подоцна и дипломира на Факултетот за ликовни уметности исто во Скопје. Моментало е на постдипломски студи, а оваа инсталација е дел од неговото истражување во текот на студиите. Тој низ ова дело воедно ги поставува прашањата за активизмот во уметноста. Дали уметноста се одалечува од својата примарна улога, и кој се границите каде таа е присутна.?!