Изложба „Живееме, Танцуваме, Тагуваме“ од Моника Десоска Каргова

Во ликовната галерија е отворена изложбата на дела  „Живееме, Танцуваме, Тагуваме“  од уметницата Моника Десоска Каргова.( 6.7 .до 19.7.2018)

Изложбата ја отвори Ана Јосифовска, потенцирајќи дека почетокоците на Моника и се од оваа институција.

- Нејзините дела претставуваат флуидна структура, со колоритна експлозија која го наведува набљудувачот на индивидуален, интимен разговор. Делата не заведуваат со минималистичко претставување на фигурите, кои танцуваат, разговараат и ненаметливо ни ја раскажуваат приказната. Моника Д.К. ја постигнува илузијата на простор, преку играта на бојата притоа не нарушувајќи ја минималната употреба на формата и постигнатата просторна хармонија. Употребата на сегментите на небо, земја, воздух и море создава длабочина која ја потенцира безграничноста, динамиката и енергијата со која се поистоветуваме. Делата се издигнуваат со прочистен ментален простор, мир и хармонија. Ликовниот јазик на Моника Д.К. почива на добро познати ликовни елементи, кои што софистицирано го подржуваат визуелниот говор и нејзиниот личен сензибилитет.

Податоци заМоника Десоска - Каргова

• Родена 1973 во Прилеп
• 1997 дипломирала на ФЛУ во Скопје

Награда:

2002 Награда „Љубомир Белогаски“, за успешна изложба за проектот „Простор“ реализиран во 2001 година во Музејот на град Скопје, Скопје

Самостојни изложби:

2018  Живееме, танцуваме, тагуваме...НУ Центар за Култура, Прилеп

2010  Минијатури, НУ Центар за Култура, Прилеп

2009 Светлосна инсталација, Повеќедимензионални

Светови, Мала станица, Скопје

2006  Минијатури, Работилница, Белград, Србија

2004  Видео инсталација, Трчање во круг, Простор 2, Чифте             Амам, Скопје

2003  Видео инсталација, Барајќи го дното, Културен центар, Анталија, Турција

2002  Перформанс, Човек и простор, Музеј  на современата уметност, Скопје

2001  Простор, Музеј на град Скопје, Скопје

1997  Духовен простор, Уметничка галерија, Прилеп

1997  Од лице до простор, Уметничка галерија, Битола

1992  Поглед кон надвор, Дом на култура, Прилеп

Групни изложби:

2018  Чудесните жени од Колекцијата на Националната галерија на     Македонија, Скопје

2017  Годишна изложба ДЛУМ, Мала станица, Скопје

2016  Годишна изложба ДЛУМ, Мала станица, Скопје       

2014  Миниатура, НЛБ Тутунска Банка, Скопје

2013  Миниатура, НЛБ Тутунска Банка, Скопје

2008  Внатре – надвор, Мала станица, Скопје

2007  Стар простор-Нова линија, Културен центар „Магаза“, Битола

2007  Ивано Проект VII, Галерија Винсент од Каства, Пула, Хрватска

2005  7 Биенале на млади уметници, Музеј на современата уметност, Скопје

2004  Добитници на наградата „Љубомир Белогаски“, Музеј на град Скопје, Скопје

2003  6 Биенале на млади уметници, Музеј на современата уметност, Скопје

2002  Големо врамување, Музеј на современата уметност, Скопје

2002  Куќа/Хаос, Културна локација „Место“, Скопје

2001  5 Биенале на млади уметници, Музеј на современата уметност, Скопје

2000  Со љубов за Мајка Тераза, Музеј на град Скопје, Скопје

1998  Млади уметници од Прилеп, Дом на култура, Прилеп

1997  III Студенско интернационално арт биенале (СИАБ), Музеј на град Скопје, Скопје

1997  Изложба на дипломирани студенти, Дом на АРМ, Скопје

1993  Студенска изложба, Дом на АРМ, Скопје                                                                                                                

Изложба „Орнаментот како пејзажен знак“од Атанас Атанасоски

Во ликовната галерија уметникот Атанас Атанасоски го реализираше проектот „Орнаментот како пејзажен знак“. (22.6.5.7.2018)

Идејата за реализација на проектот сé надоврзува на претходните изложби/ инстаалции на авторот, во кои концепцијата се темели на монохромијата, минимализмот, математиката – геометријата (лини, форма, структура, боја.) и имаат за цел да ја бараат естетиката на хармонизирање на соживотот помеѓу човекот и природата.
-Проектот нуди можност за пристап кон уметничкото изразување кое поради растечките еколошки и социјални проблеми станува се порелевантно и социјално ангажирано.... Орнаментот во овој проект нема само декокративна функција, туку претставува конститутивен елемент кој ја изгради семиолошката и симболичка структура. Тој ќе се манифестира како „стилистички факт на просторни метафори, откривање на галактички светови. Ритамот на сопствениот тивок криптичен говор, редењето на трновитата вегетација од спектар на структура и колорит, дел по дел, ќе се соединат во една целост, која ќе рефлектира високо софистицирано „текстуално“ ткаење. Различните геометриски барелјефни мотиви, прелеани во својата глобална композицциска структура, низ континуираното ритмичко мултиплицирање во различни насоки ќе го активира динамичниот тек на ликовното дело. Светлината (иако ќе вибрира врз композицијата, со благите прелевања на светло-сенките, уште повеќе ќе ја ритмизираат и динамизираат играта на фасцинации, создавајќи го монументалниот мозаик – вели уметникот Атанасоски.

Изложба на дела од ДЛУБ
Во ликовниот салон е отворена изложбата на дела од ДЛУБ. ( 29.6. до 13 7. 2018. Претставени се 20 дела од 15 битолски уметници и 4 гости.
На овогодишната изложба учествуваат Александар Поповски, Данчо Ордев, Елена Ѓорѓиевска, Златко Крстевски, Илија Кочовски, Лилјана Петровска, Љубица Мешкова – Солак, Марија Велевска – Анастасовска, Николче Српчански, Oливера Лазаревска – Оља, Панде Петровски, Сандра Котевска и Славица Михаилова.Како гости на иложбата на ДЛУБ се Владимир Стерјовски, Златко Лечковски, Круме Димовски и Слободан Рајчевски.

Промоција на книгата „Белиот трофеј“ од Блаже Аризанов во среда 4 јули 2018 во 19.00 часот во ликовниот салон

„ПЕЈЗАЖИ НА ДУШАТА“ од Марина Костојчиновска Узунчева

Творештвото на академскиот уметник Марјана КостојчиноскаУзунчева e претставено во галеријата„Борко Лазески“. Таа се претставува со колажи на платно или дрвена подлога. Конструкцијата на сликата е изградена со помош на разновидни парчиња на материјали, народни везови, поставувајќи ги стратиграфски, слоевито едно под друго. Дополнително уметникот интервенира со помош на сликарска боја.

Изложбата ја отвори историчарот по уметност Викторија Димеска која посочи дека во делата од Костојчиноска се забележува стремежот за создавање евокативна уметност.

-Уметникот претставува активен чинител преку уметнички чин и примена на различни методи, било со калиграфија или редење на различни структури на материјата. И посетителот станува активен чинител и дел од уметничкото дело преку набљудување низ еден имагинативен прозорец и одредена временска рамка, навлегувајќи во платното и постигнувајќи единство со уметничкото дело - рече Димеска.

Д-р Марјана Костојчиноска Узунчева, член на ДЛУМ, има освоено неколку награди за сликарство, реализирала повеќе изложби, а била учесник на значајни ликовни колонии.

Ретропективна изложба од Васил Костов

Ретроспективна изложба од нашиот уметник Васил Косов e отворена во ликовната галерија. Изложбата на Костов, член на ДЛУП и ДЛУМ, значи претстава на еден творечки опус на една личност, зафаќање во сите периоди од раст и развој.

Ја отвори историчарот по уметност Елизабета Деменкоска Цефи, која посочи дека неговите дела веродостојно го отсликуваат животот.

-Моќта на сите негови дела произлегува од скромноста и едноставноста на уметникот, затоа што тие се искрен и чист емотивен набој на платно - рече Дерменкоска.

Костов е добитник на 9 - то Септемвриската награда од 1993 година на Прилеп, како и на други награди за сликарство и сценографија, бидејќи работеше како сценограф во театарот „Војдн Чернодрински,, до своето пензионирање.Тој е и графичар, акварелист, кој реализирал бројни самостојни изложби во земјата и во странство, бил дел од групни, а остварил студиски престои во Париз, Венеција, Москва, Варшава...