Изложба на дела од Лесновската ликовна колонија
Во ликовната галерија од ЦК „Марко Цепенков“ е поставена изложба на дела од меѓународната ликовна колонија „Лесново 2018“ што по 27 пат годинава ја организираше Домот на културата „Злетовски рудар“ од Пробиштип.(16.11 – 30.11.2018).
На увид пред јавноста се 25 дела создадени од 15 уметници – учесници на колонијата од Македонија, Русија, Бугарија, Србија.
„Лесново„ е меѓународна ликовна колонија на која низ годините учествувале бројни уметници од земјата, од Русија, Бугарија, Англија и Србија, кои инспирирани од убавата природа создале вредни уметнички творби. Ги овековечиле убавините на Лесновскиот манастир, старата традиционална архитектура на лесновската куќа, карпестото опкружување....

Изложба од Марија Дичова и Симона Манчева

Во ликовната галерија на ЦК „Марко Цепенков“(петок 9.11. 2018 – 23.11. 2018) бeше отворена изложба од уметниците Марија Дичова и Симона Манчева. Идејата за овој заеднички проект на двете уметници се заснова на користење на отпадни материјали.

Изложбата ја отвори Ивана Атанасоска, етнолог и антрополог, која посочи дека   уметничките дела на Марија и Симона доаѓаат како освежувaње и излегување од шаблонот на современиот конзумеризам – купи – искористи – фрли.

„ Идејата, од користење на отпадни материјали да создадат уметнички дела, од една страна ја покажува нивната почит кон животната средина и освеsтеноста за рециклирање, а од друга страна ја истакнува нивната спремност како уметници се што е околу нив да го гледаат како потенцијален материјал за уметничко дело. Овие уметници даваат повторна вредност на материјалите кои ја изгубиле вредnоста во системот. Нивните уметнички творби, претставуваат еден вид на медиум преку кој ние ќе го слушнеме нивниот крик за општествено освестување, ќе ги разнишаме нашите предрасуди и стереотипи и ќе се соочиме со најинтимните психолошки, социјални и општествени вредности “ - рече Атанасосока, потенцирајќи дека се надева оти нивната уметност ќе допре до голем број луѓе.

И двете ументици дипломирале на ФЛУ Скопје и досега реализирале повеќе проекти.

Во ликовниот салон од ЦК„Марко Цепенков“ (2.11 – 16.11.2018) е отворена изложба на дела од ДЛУП (Друштвото на ликовни уметници на Прилеп).
На изложбата се изложени дела од уметниците Бојана Артиновска Трпческа, Василка Боцеска, Давид Атанасоски, Катерина Деспот, Миле Брцески, Ферди Булут, Драган Верговски – Алпи, Викторија Димеска, Емил Димоски, Павлинче Илијеска, Кристијан Јованоски, Методија Јорданоски, Васил Костов, Христина Мазнеска, Лепа Милошевска, Драган Михајловски, Верче Николоска, Михајло Ристески, Емил Солески, Наде Тоскоска и Александар Џинго.
Изложбата ја отвори Ивана Атанасоска, етнолог и антрополог, која потсети дека 2018 година е плодна за ДЛУП.
-Годишната изложба на членовите на ДЛУП е заокружување на годината во која Друштвото реализираше повеќе самостојни и групни изложби – рече Атанасоска.
На отворањето на присутните им се обрати и почесниот член на ДЛУП Викторија Димеска, историчар по уметност.

Ретроспективна изложба на Коста Клифов

Во ликовната галерија е отворена Ретроспективната изложба на Коста Клифов,(26.10 до 8.11.2018) на која се претставени 30- тина дела.

Коста Клифов, млад ликовен уметник, во екот на своето себепронаоѓање и етаблирање во уметничкиот свет, припремајќи ја својата трета самостојна изложба, ненадејно си замина од земниот свет, но зад себе оствари творештво од кое сега слободно може да се реализира во неколку изложби. Овој пат наместо неговата 3-та самостојна изложба во Прилеп, насловена „ Крајот почеток е нов почеток - почетокот е нов крај“, се реализира ретроспектива на неговото обемно творештво кое го остави зад себе, за да зборува за него, дела кои се своевидна мемориска порака на авторот, низ кои ќе го продолжи својот живот во времето што доаѓа.

Изложбата ја отвори Ивана Атанасоска, етнолог и антрополог, која посочи дека Клифов зад себе оставил голем број дела, од кои во поставката во галеријата е изложен само еден скромен дел од неговото обемно творештво.
- Како чести теми кои се провираат низ неговите творби се дуализмот меѓу животот и смртта, човековото битисување и желбата за еден подобар свет - посочи Атанасоска, потенцирајќи дека неговата уметност останува трајна и бесмртна.