Изложба на дела од Мал Битолски Монмартр

Во ликовната галерија е отворена изложбата „Магијата на Монмартр“. (21.12.2018). Љубителите на уметноста имаат можност да ги видат 30 –тината дела изложени во галеријата, создадени на 37 – то издание на престижната ликовна манифестација Мал Битолски Монмартр, која се одржа од 23 до 30 мај годинава, а на која учествуваа 100 деца со ликовни педагози од 15 земји од светот. Поставката во Прилеп содржи избор од најдобрите дела.

Претходно дел од делата, велат од Мал Битолски Монмартр, биле претставени во Битола, Охрид и во Москва.

Изложба „Постварување„ од Сотир Хаџи Николов
„Постварување“ од уметникот Сотир Хаџи Николов е тематската изложба што е отворена во ликовната галерија од ЦК „Марко Цепенков“(7.12. – 20.12.2018). Изложбата, слики и објекти, е финансирана од Министерството за култура.
Магдалена Стојмановиќ ќе посочи дека со прикажаното творештво Сотир Хаџи Николов прави поимно врзување со ликовното и на смисловно адекватен начин со уникатни средства говори за постварувањето, феномен кој е длабоко вкоренет во модерните општества кој посебно го тангира поединецот од современието во западниот културно-политички контекст.
Стефан Марковски пак истакнува дека уметникот ги трансцендира ограничувањата кои го сведуваат на ресурс и станува модерен, вистински авангарден Прометеј кој со својот „од бога даден“ факел успева да ја пронајде својата местоположба и движење низ м(рак)озаикот на стварноста осветлувајќи го својот индивидуален пат на себеразвој и себеоткровение.
Сотир Хаџи-Николов од Гевгелија дипломирал на ФЛУ во Скопје, отсек сликарство. Член е на ДЛУГ, како и на Мултимедија центарот во Гевгелија. Има учествувано на симпозиуми во Македонија, Бугарија, Турција, Грузија како и на повеќе групни изложби.

МТВ ЗА НАГРАДИТЕ ВО НИКШИЌ

линк:

http://play.mrt.com.mk/play/20572

линк:

http://www.niksickopozoriste.me/index.php/aktuelnosti/515-dodjelom-agrada-veceras-u-niksickom-pozoristu-zatvoren-xv-medunarodni-festival-glumca-niksic-2018?fbclid=IwAR1-Z6VD8R-E3LHq_n_SKQBLYCFNMKSR8IMBiD3VtszALMz-CCWKYwEqS8M 

Одгласи за претставата „Љубовни пози на историјата“ од Горан Стефановски, во режија на Наташа Поплавска на фестивалот во Никшиќ

линк:

http://www.vijesti.me/caffe/medunarodni-festival-glumca-niksic-2018-omaz-goranu-stefanovskom-1014620

Театарот „Војдан Чернодрински„ со претставата „Љубовни пози на историјата“ (Figurae, veneris, historiae), од Горан Стефановски, во режија на Наташа Полавска,
ќе настапи на 15 Меѓународен фестивал на актери во Никшиќ.

Изведбата на претставата е во четврток 29.11.2018 во 20.00 ч. во Никшичкиот театар

http://niksickopozoriste.me/index.php/aktuelnosti/503-xv-medunarodni-festival-glumca-obiljezice-novembarski-repertoar

Инсталацијата „Празна галерија“ од Методи Исков
„Празна галерија“ е изложбата од прилепскиот уметник Методи Исков отворена во ликовната галерија на ЦК„Марко Цепенков“.(23.11.-6.12.2018).
Се работи за инсталација во која ќе доминираат антички скулптури затворени во кутија низ која ќе може да се ѕирка.
Преку изложбата сакам да се поттикне критичко-филозофски став со кој сите заедно ќе се доближат до призмата низ која се согледува денешниот поглед кон уметноста – вели авторот Методи Исков.
Изложбата ја отвори историчарот по уметност Викторија Димеска која посочи дека „Празна галерија“ ги поставува прашањата до претставниците и љубителите на уметноста:
-Која е вредноста на ликовното творештво во современата доба?
-Дали на уметноста гледаме како низ мал отвор, парцијално без притоа да се стигне до нејзината суштина?
Уметникот во 2014 год. дипломира на Факултетот за ликовни уметности во Скопје, отсек вајарство, во класата на Станко Павлески. Покрај индивидуалните уметнички ангажмани, важен дел од неговото работно искуство е изработката на скулптури вклучени во урбанистички план на град Скопје, учество при изработка на палета мозаици, од кои можат да се истакнат мозаиците во Црквата Св. ''Константин и Елена'' - Скопје, мозаик поставен во базиликата на Св. ‘'Благовештение'' во Назарет - Израел со ликот на Пресвета Богородица, мозаиците во Црквата Св. ''Петка'' – Прилеп... Има изработено повеќе мурали низ градот, меѓу кои и во библиотеката „Борка Талески“. Своето искуство го проширува и кон графичкиот дизајн и дизајнот на ентериери.