Награда на ФААТ за Ангела Димеска

Ангела Димеска, актерка - аматерка од Младинското драмско студио при НУЦК,, Марко Цепенков,, на неодамна завршениот фестивал на аматерски драмски театар ФААТ во Кочани ја освои НАГРАДАТА за СПОРЕДНА ЖЕНСКА улога за одиграната ролја во претставата,, Крајот на светот каков што го знаеме,, во режија на Андреј Богатиновски. Гимназијалката Димеска наградата ја освои во силна конкуренција од над 13 претстави.

Со тоа младата актерка го претстави во вистинско светло МДС и Центарот за култура, но и потврди дека младинската театарска сцена одлично функционира во Прилеп.

,,Крајот на светот каков што го знаеме,,

Младинското Драмско Студио - ,,Театар - Чин 4 Сцена 5,, при НУЦК Марко Цепенков, во април 2012 година, премиерно  ја прикажа претставата ,,Крајот на светот каков што го знаеме,, од Алекс Браун, во режија на Андреј Богатиноски.

Претставата е современа драма во 4 кратки делови, меѓусебно независни по дејствие едно од друго. Пренесени се романтика, самоубиствени мисли, пороци и генерациска промена. Претставата нуди јасна порака: светот не е онаков како што постарите го познаваат. Дејствијата се случуваат на 4 најразлични места на планетата, што значи промената го зема својот замав насекаде подеднакво. Ние сме исти - јас и ти...,,

Играат: Исидор Јованоски, Наталија Ристеска, Дарко Карбески, Александар Пусоски, Марио Стојаноски, Виктор Мирчески, Симона Трајческа и Ангела Димеска      

Костимографијата и музиката се плод на колективноста помеѓу членовите на драмското студио.

МДС со нова претстава

„Ај не туку ми се шетај гола” од Жорж Фејдо, во режија на Александар Дамчески и Христијан Тодороски, е новата премиера на Младинското драмско студио. Претставата е комедија во која се вклучени необични заплети во кој играат седумина аматери. Младинското драмско студио со претставата „Скица за гоблен од Палјачо” ќе учествува на Драмскиот аматерски фестивал во Кочани, каде во конкуренција на 14-ет аматерски проекти ќе се бори за престижната статуетка „Васил Ќортошев” за најдобро аматерско театарско остварување во оваа година.

„Скица за гоблен од Паљачо” - нова претстава на МДС

Младинското драмско студио при НУЦК„Марко Цепенков” пред својата публика ја промовира својата нова претстава. Предизвик за младите театарски аматери овој пат беше текстот „Скица за гоблен од Паљачо” од Трајче Крстетски во режија на Саша Нацески.

МДС се обиде на сцена да го пренесе интригантниот текст на Крстески, кој на симболичен начин опишува одредени општествени појави. Со оваа претстава Младинското драмско студио конкурира за учество на Фестивалот за аматерски театар во Кочани, а претставата беше проследена од селекторот на овој фестивал, актерот, Нино Леви.

Работи повеќе од две години и анимира голем број малди вљубеници во театарската уметност. МДС реализира 16 аматерски тетарски претстави од кои последната “Одисеја” беше своевиден спектакал кој броеше 70 учесници. Во продукција на МДС се организира и фестивалот на кратка современа драма “Гола Сцена”.