Во средата, 11 април  2012, во фоајето на ЦК  се одржа Вечер посветена на првиот македонски школуван композитор Атанас Бадев, голем мајстор на хорскиот слог, како и на хармонскиот и полифонскиот начин на компонирање. Реч имаше проф.д-р Ѓорѓи Ѓорѓиев, кој во излагањето  го посочи значењето на творештвото на Бадев, а се осврна и на дејствувањето на повеќе музички преродбеници во Прилеп. На Вечерта,  настапи и градскиот црковен хор Св. Благовештение, под диригенство на Гоце Секулоски, кој исполни повеќе композиии, меѓу кои и ,,Молитвами Богородици,, и ,,Спасими,, од Бадев. Атанас Бадев е автор на повеќе композиции, меѓу кои и на  ,,Златоустовата литуругија,,, .

Нела Витошевиќ, режисер

ВО ТЕАТАРОТ ИМА ЕНЕРГИЈА ЗА КОЛЕКТИВНИ ИГРИ

,,Соработката со прилепскиот театар дојде спонтано. Со повеќето актери сме генерација така што беше природно да се споиме. Ансамблот има одличен потенцијал за подготовка на претставата “Змејовата невеста”. Вака вели режисерката Нела Витошевиќ, која со младите актери од театарот ги започна пробите за новата претстава по текст на Димитар Молеров. Потенцира дека е радосна што соработува со младиот ансамбл со  најголем ентузијазам за творечка работа.  Задоволство ми е што првпат работам со најспремниот тим полн со енергија за колективен процес - додава Витошевиќ.

62 ГОДИНИ ПОСТОЕЊЕ

Театарот ,, Војдан Чернодрински ,, со 20-та изведба на претставата ,, Маратонците го трчаат почесниот круг ,, во режија на Кирил Петрески, одбележа 62 години од постоењето. Театарската магија започнала на 18 февруари 1950 година со првата претстава ,, Кир Јања ,,. Воедно се прослави уште еден повод: заминувањето во пензија на актерите Димко Вандески и Петар Димоски, на кои им беа врачени пригодни подароци за пензионирањето од колегите, од ЦК ,, Марко Цепенков ,, и од градоначалникот Марјан Ристески.

ПРЕМИЕРИ ВО 2011

За Театарот ,, Војдан Черндорински,, 2011 година беше доста плодна и успешна. Со поддршка на Министерството за култура реализирани се 4 премиери. Раководството продолжи со реализација на квалитетна  репертоарска програма.

Февруари
МАРАТОНЦИТЕ ГО ТРЧААТ ПОЧЕСНИОТ КРУГ
Од Душан Ковачевиќ
Режија:  Кирил  Петрески
Музика: Гоце Кантарџиоски
Играат: Петар Димоски, Димко Вандески, Трајче Иваноски, Најдо Тодески, Димитар Црцороски, Марија С. - Илијески, Димитар Ѓорѓиевски, Зоран Иваноски, Цветанка Чавлеска,

МЕЃУНАРОДНИ НАГРАДИ ВО 2011 година

Театарот во оваа година, освен низ Македонија, во Дебар, Виница, Скопје, Радовиш, Струмица, Битола,  Куманово на ,,Денови на комедијата,, имаше и гостувања во странство, во Словенија и во Германија, каде се освоија значајни награди и признанија.

Претставата,, Кавкаскиот круг со креда,, од Брехт, во режија на Мартин Кочовски, европската театарска асоцијација НЕТА ја прогласи за најдобра, по учеството на фестивалот,, Ристо Шишков,,.

Од НЕТА беа освоени наградите:
За најдобра претстава ,
заедничка колективна игра на актерската екипа и
за музиката на групата ,,Фолтин,,.

ИЗЛОЖБИ

ЦК,, Марко Цепенков,,  продолжи со успешна презентација на ликовното творештво од земјата и странство. Во 2011 година реализира повеќе самостојни и групни изложби. Во галеријата и во ликовниот салон, љубителите на ликовната ументост имаа можност да  проследат изложби на слики, графики, карикатури, групни изложби од истакнати уметници. По повод Осми март, традиционално се одржа манифестацијата Брзо сликање, на која уметниците дадоа значаен придонес, создавајќи интересни дела.

Се реализираа изложби на:
-Струмичка ликовна колонија
-Катерина Деспот
-Билјана Кајевиќ
-Јасмина Новковска

Концерти, Перформанси и Филмови

Над стотина настани  - концерти, перформанси, проекции на филмови се случија на сцените во ЦК,, Марко Цепенков,, во 2011 година кои предизвикаа интерес кај публиката, меѓу кои Велигденскиот концерт на КУД,, Стив Наумов,, настапите на КУД,, Џилонг,, од Австралија, ,,Моминок,, ,,Мирче Ацев,,..

,,Прилепското културно лето,, како манифестација повторно  и понуди на публиката интересни настапи на групи, фолклорни друштва. Прилепчани имаа можност да проследат Класичен концерт со гости од Виена, настапот на Дамари чалгија оркестар, на Памперси... Особено за одбележување беа Вечерта на староградска песна и Вечерта на изворен фолклор на балканските народи, која веќе се етаблира како значаен регионален настан.

ПРИЛЕП НИЗ СТАРИ ФОТОГРАФИИ

2 декември , во 19 часот, во галеријата од ЦК,, Марко Цепенков,, во Прилеп, се отвори изложба на фотографии на тема,, Прилеп низ стари фотографии,,. Автор на изложбата е историчарот Рубинчо Белчески од Завод и Музеј - Прилеп. На изложбата се претставени 30 фотографии кои се од збирките на Музејот, Архивот на Македонија и Музејот на Македонија. Изложбата ја отвори Роберт Јанкулоски, а е во рамките на соработката меѓу двете културни институции. На фотографиите Прилеп е овековечен од 19 век па се до 60 години на 20 век. Најстарата фотографија датира од 1888 година. Била објавена во книгата,, Макеоднија и Стара Србија,, на историчарот, писател, дипломат и астроном Спиридон Гопчевиќ. Автори на фотографиите биле сите оние кои намерно или ненамерно, нас, но и идните генерации преку,, замрзнатите,, моменти не потсетуваат на убавините не едно време- вели авторот Белчески. На фотографиите се овековечени се објекти, културно историски споменици, манастири, установи, предели...

Трибина: Во слава на музиката - 21 јуни Ден на музиката

(21 јуни) За најважното споредно нешто на светот - музиката, за историјата на современата музика, за блузот како основа на современата музика, за музиката како уметност, за необичните инструменти малите тајни на музиката и за духовната функција на музиката, се дебатираше на отворената трибина и работилница во НУЦК„Марко Цепенков”. Воведничар беше Маријан Спиркоски докажан познавач на музиката и ревносен проследител на трајните музички вредности. Со свое видување говореше и Тони Чатлески директор на Центарот на култура,а медијатор беше Наташа Мирческа. Трибината беше збогатена со избор на музика, мини перформанс на актерот Игор Трпче,а на свој начин во слава на музиката настапи и прилепскиот рапер „ДАБЛ БИ” . И оваа трибина и работилница беше уште една заложба Центарот за култура интерактивно да ги одбележува сите значајни датуми на светско ниво.

Сценско-музички мини хепенинг