На 48 МТФ ,,Војдан Черндорински,,

,,Змејовата невеста,, најдобра претстава

,,Змејовата невеста,, во режија на Нела Витошевиќ, на нашиот театар,, Војдан Ченродрински,, е најдобрата претстава во целина на годинешното 48 издание на МТФ,,Војдан Чернодрински,,(се одржа од 7 до 14.6.2013), а пак режисерот Нела Витошевиќ ја понесе наградата за најдобра режија.

- Претставата е работена по текст кој има вредности, кои го прават особено тежок за уметничка интерпретација. Екипата со режисерот успеала со скромни можности, да ги постигнат целите и претставата функционира, воспоставува одлична комуникација со гледачите кои понесуваат естетско задоволство, кое кај другите претстави не можевме да го откриеме - рече Васе Манчев, претседател на жири комисијата.

Од Центарот задоволни што повторно ја освојуваат престижната награда на фестивалот.

- Наградата е потврда за трудот, ентузијазмот на ансамблот на Театарот и на Центарот. Печат е за се што се залагаме во изминатите години. Нашиот театар е репрезент на македонскиот театар и заслужува да ја претставува Македонија во странство - рече директорот Тони Чатлески.

Изложба на скулптури од Никола Смилков

Изложба на скулптури од д-р Никола Смилков е отворена во галеријата на Центарот. Вајарот пред нашите сограѓани се претставува со 12-ина дела, за кои Горанчо Ѓорѓиевски вели дека се од областа на апстрактно-геометризираната скулптурална форма.

-Секое негово дело е конципирано како монументално дело.  Смилков преку уметноста ги разјаснува своите мисли за скулптурата како неограничен и бескраен простор на изразување - вели Ѓорѓиевски.

Никола Смилков е професор на Универзитетот ,,Гоце Делчев,, во Штип. Досега реализирал повеќе проекти, самостојни изложби во Штип, Скопје, на групни во Велес, Скопје, во Велико Трново и Шумен во Бугарија, Даниловград во Црна Гора, во Србија, Словенија...

Добитник е на повеќе награди, меѓу кои прва награда за спомен обележјето ,,Бранителите на Македонија,, награда за скулптура на ДЛУМ ,,Димко Тодороски,, како и за Спомен-обележјата Александар трети Велики Македонски  и  Аристотел во Штип.

Изложба на слики од Колонијата де Ниро

Во салонот на Центарот отворена е ретроспективна изложба на слики од колонијата Де Ниро од Битола (7.6.2013). Претставени се 30 слики работени од уметници од земјата и странство, учесници на колонијата, со која Центарот има традиционална соработка.

Изложбата ја отвори Панде Петровски.

Изложба на скулптури од Никола Смилков

Изложба на графики од Андријана Мациев

Изложба на дела од Андријана Мациев од Скопје е отворена на 10 мај во галеријата на Центарот, на која уметницата се претставува со со околу 30 дела.

Андријана Мациев е дипломиран графичар на ФЛУ - Скопје.  Од 2009  година е член на ДЛУМ. Реализирала повеќе самостојни изложби во Скопје и во Белград, а учествувала на групни во земјата и странство. Учествувале на повеќе колонии, на перформанси и други манифестации.

За нејзиното творештво добитник е на награди, меѓу кои прва награда на фондацијата Драган Аврамоски Гуте, прва награда на НУБ,,Св. Климент Охридски,, награда за придонес во графиката, како и за проектот ,,Звуците на чаршијата,,. 

Куклена претстава - КАЛИФОТ ШТРК

Ликовно сценски перфроманс

Во понеделник 29 април 2013 година на големата сцена се одржа ликовно сценскиот перформанс ,,Ротонда - уметност во просторот,, на кој беше презентирано уметничко дело од сликарот Тони Чатлески, во танц кореографија на Кире Миладиноски.

Со перформансот Центарот ќе го одбележи 29 април - светскиот ден на танцот.

Предвелигденски концерт

Во понеделникот 29 април 2013 во Центарот се одржа предвелигденскиот духовен рецитал на кој  настапи црковниот градски хор ,,Свето Благовештение,,.

Под диригентската палка на м - р Гоце Секулоски хорот  исполни повеќе композиции од Динев, Алфеев, Обиходни, Теофаново, К.Макеоднски, Мокрањац,  Г.Секулоски.

Хорот,, Свето Благовештение,, формиран е  2000 година. Во својот репертоар се определува за негување на македонската духовна традиција, при што покрај прилепскиот автор Атанас Бадев, обработува композиции кои се дел од музичкото творештво на останатите православни земји.

Досега учествувал на повеќе манифестации каде ја презентирал духовната традиција на Прилеп.

Хорот редовно учествува на Светите и Божествени литургии во двата прилепски храма,, Св. Благовештение,, - Стара црква и Св.Кирил и Методиј, каде со своето пеење ја збогатува молитвеноста и благолепието на православната богослужба.

Премиерно куклената претстава Калифот Штрк

На 21 април 2013 Театарот ,,Војдан Чернодрински, премиерно ја прикажа куклената претстава ,,Калифот Штрк,, од Вилхелм Хауф, во режија на Дарко Ковачовски.  Претставата е со кукли - марионетки, која за првпат од ваков вид се поставува во земјата.

- Актерите заедно со композиторот ги оживуваат куклите, кои со нивниот живот на сцена ја раскажуваат приказната за едно дете кое треба да порасне. Калифот Штрк е претстава за спознавањето и одговорноста - вели Ковачовски, потенцирајќи дека текстот е епски материјал - приказна на Вилхелм Хауф, романтичар кој живеел во 1848 во Германија, а за кој биле интересни темите од Блискиот исток, односно Ориентот.