Ликовна колонија Дрен 2015

Во манастирот Св. Илија во с. Дрен, се одржа осмата ликовна колонија Дрен. 12 уметници - Александра Ацеска, Марјан Стојаноски, Мирјана Бубевска, Сергеј Дамовски, Тони Чатлески и Владимир Кнежевиќ од Македонија, Сречко Здравковиќ, Драгица Алексиќ, Весна Вучичевиќ и Јелена Младеновиќ од Србија, како и Марија М. Крившинко од Русија  и Емине Токмакај од Турција, со уметнички жар на своите платна ги пренесоа впечатоците од Дрен. Сите до еден беа воодушевени од природата, од убавината на манастирот, од организацијата на колонијата.

-  Дрен е вистински рај. Создадов дела кои се дел од македонската традиција. На платната, преку една убава ликовна приказна  ја пренесов историјата за Крали Марко - вели Сречко Здравковиќ од Србија.

 - Многу сум среќна што сум тука. Место созадено само за  уметничко творештво - вели Мирјана Бубевска од Битола.

 - Македонија е многу убава, сончева земја. Воодушевена сум од убавата природа и тоа го пренесов на платното - вели Марија М. Крившинко, која првпат доаѓа во Македонија.

- Многу сум среќна што сум тука. Има посебна енергија за работа - ни изјави Емине Токмакаја од Турција.

Од ЦК,,Марко Цепенков,, велат дека делата создадени на колонијата Дрен ќе бидат изложени во Прилеп на 4 септември на завршницата на традиционалната манифестација Прилепско културно лето.

ВИДЕО ДРЕН 2015

Изложба - ДРЕН 2015

Во петок 4 септември 2015 година во 20 часот во ликовниот салон на ЦК,,Марко Цепенков,, беше отворена изложба на дела создадени на осмата ликовна колонија Дрен, што се одржа од 13 до 20 јули годинава во манастирот Св. Илија во с. Дрен. Со изложбата Центарот ја затвори годинашната манифестација Прилепско културно лето.

Беа изложени делата што ги создадоа учесниците на колонијата, која се етаблира како значаен ликовен настан,.( - Александра Ацеска, Марјан Стојаноски, Мирјана Бубевска, Сергеј Дамовски, Тони Чатлески и Владимир Кнежевиќ од Македонија, Сречко Здравковиќ, Драгица Алексиќ, Весна Вучичевиќ и Јелена Младеновиќ од Србија, како и Марија М. Крившинко од Русија  и Емине Токмакај од Турција).

Ументиците воодушевени од природата и од убавината на манастирот, од организацијата на колонијата создадоа дела кои ќе предизвикаат интерес во ликовната јавност.