Изложба на слики од Драган Најденовски

„Ликовни предели“ е тематската изложба отворена во ликовната галерија од Центарот, ( 7.8.- 221.8.2020) на која со дела се претставува македонскиот уметник Драган Најденовски.

Според писателот Панде Манојлов, со своите најнови ликовни дела работени во масло на платно, молив на хартија, пастели или оние маслени пастели комбинирани со молив на хартија, од неговиот циклус од „Ливадата на музите“, во неговите „Предели“ создава нешто исклучително уметнички вредно... Неговите слики на уверлив начин сами од себе зборуваат дека знаат да светат и кога сонцето се помрачува во ликовната татковина на уметникот.

- Симболично и модерно е ликовното творештво на Драган Најденовски. Секоја негова слика е светлина и реална но и далеку поапстракна што зрачи и осветлува скриени ликовни простори од ова поднебје. Тие се прекрасни предели во замислената иреална “Ливада на музите“, бајковито насликани со филозофско-фантастичен набој со магичен и метафоричен ликоен израз силно и цврсто потпрени на имагинацијата на авторот. Поетизам, лиризам, естетизам, складност на бои, се е збрано во овие слики од најновото ликовно творештво на Драган Најденовски презентирани на изложбата. И сето тоа зборува за неговите уметнички вредности, за неговиот ликовен стил и израз, автетичен и препознатлив вели Манојлов.

ДРАГАН НАЈДЕНОВСКИ е самостоен ликовен уметник, член на ДЛУМ и ДЛУБ, со

над 40 самостојни изложви, учесник на многу групни изложби и графички манифестации во Македонија и светот....на многу домашни и меѓународни ликовни колонии -добитник на вредни награди.....

2017 награда на град БИТОЛА-4 НОЕМВРИ ЗА УМЕТНОСТ

ПО СЕДМИ ПАТ ИЗЛОЖБА НА ФОТОГРАФИИ „ЈОРДАН ЗАЗОСКИ ЗАЗО“

Во ликовниот салон на ЦК „Марко Цепенков“ е отворена изложбата на фотографии „Јордан Зазоски – Зазо“ што ја реализира Фото кино клубот Прилеп. Изложбата е традиционалална поставка која годинава се реализира по седми пат.

На изложбата се изложени над 6о фотографии, дела кои покажуваат во кој правец одат заложбите на клубот во полето на уметничката фотографија во нашиот град, и колкав е напредокот во изминатата година.

Изложбата се одржа спрема протоколите за одржување на културни настани -  во еден момент можеа да ја погледаат до 20 посетители кои носеа маски, а претходно ќе им беше мерена температура и ги дезинфицираа рацете.

ИЗЛОЖБА „ВИЗИИ ОД ДЕТСТВОТО“ ОД ГОРАН БОЕВ

Според сите протоколи за заштита и превенција од корона вирус, во ликовната галерија е отворена изложбата на слики „Визии од детството“ од уметникот Горан Боев. (17.07.2020 – 30.07.2020). Уметникот се претставува со над 20 слики на кои тема е детето, цвеќето и др. фигури кои го аосцираат на детството.

Изложбата ја отвори уметникот Владимир Темков, кој потенцираше дека Боев има сензибилно и креативно творештво и дека тој е претставник на една нова генерација која донесува нови текови во уметноста.
Авторот вели дека делата се портрет на едно минато време, на неговото детство.

Боев е уметник од Кавадарци. Завршил ДЛУ и магистерски студии во Скопје. Работи како наставник по ликовно во Кавадарци.Слика и црковен живопис и иконографија. Досега има десетина самостојни и повеќе групни изложби во земјава и во странство.