Од 30-ти април во Ликовната галерија

Изложба на Дејан Иванов-Маргуш

Дејан Иванов-Маргуш (1979) пред прилепската ликовна јавност се претставува со дваесетина дела работени во комбинирана техника во кои главно се внесени неискористени сликарски материјали и постапки. Авторот досега самостојно се претставил во Скопје, Струмица, Белград, а групно освен низ земјава изложувал и во САД, Франција, Србија, Хрватска и Бугарија.

Од 16 април во Ликовната галерија

„Пејзажите на Кирил Гегоски”

Со триесетина дела, кои претставуваат една ретроспектива на четиридецениско уметничко творештво, Кирил Гегоски (1944) повторно пред своите сограѓани. Концептот на изложбата е подготвен од историчарот по уметност Марика Бочварова Плававеска и има цел да се евидентираат придонесите на Гегоски во ликовната уметност. Акцентот е ставен на неговата понуда на иконичност на прилепските пејзажи, а изложбата се реализира во соработка со Дирекцијата за култура и уметност од Скопје, Музејот на современа уметност и е подржана од Министерството за култура.

26 март Ликовна галерија

Слики минијатури на Моника Десоска

Моника Десоска (1973) своите дела инспирирани од пејзажи во кои таа уживала како слики минијатиури ги претставува пред пребирливата прилепска ликовна публика. Делата се создавани во последниве шест години како одраз на фасцинантната природа, нејзината хармонија, тишина,врева, широчина... Нејзината склоност кон минијатурите се должи на интимноста кои тие ја одаваат и претставуваат едн микро свет инспириран од светот кој не опкружува.

Од 12 март во Ликовната галерија

Изложба на склуптури и слики од Симеон Арнаудов

Симеон Арнаудов (1943 г), академски сликар, по голем број самостојни и групни изложби, учество на ликовни колонии во земјава и странство, изложува и во Прилеп. Се претставува со 30 дела преку кои го потврдува сопствениот континуитет. Склуптурите на Арнаудов, се од камен блок кои се ослободени облици со органски белези кои ја имаат убавината на природата од која нстанале. Делата се составени од апстрактни рими на меко заоблени форми исклесани од едно парче мермер на чија површина се врежани линии чиј ритам е комлпементарен со внатрешниот ритам на склуптурата и надворешните линии на делото.

Од 5-ти февруари во Ликовната галерија

Прва самостојна изложба на Лепа Милошевска

Лепа Милошевска (1957, Прилеп) дипломиран историчар по уметност. Професор по ликовно образование . Се претставува со 25 дела работени во различни техники: акрил, туш, акварел. Милошеска е автор на многу дела кои досега ги презентирала најчесто на групни изложби. Освен што слика, пасија и е декорирањето, а се занимава и со ликовна критика.

Од 26 февуари во Ликовната галерија

„Ангели” од Билјана Ангелеска

Билјана Ангелеска, академски сликар од Охрид, прв пат изложува во Прилеп. Се претставува со 15 дела, дел од циклусот „Ангели”, работен во период од 2 години,каде во целост или фрагментирано човечкото тело го претставува како ангел. Уметникот, ангелите, ги презентира на непредвидлив и несекојдневен начин, асоцијативно несвојствен за темата. Делата будат меланхолично мрачно чувство што е предизвикано преку тоналитетот на боите, положбата на телата и самата приказна раскажана во секоја слика поединечно.