Нов лик за големата сала во ЦК,,Марко Цепенков,,
Комплетно е реконструирана големата сала на ЦК. Извршено е внатрешно реновирање, кое се состои од претапацирање на 600 седишта, промена на подот, бојадисување на ѕидовите, уредување на сцената, нова завеса, гримиорните и нов систем за затоплување.
Со реконструкцијата се опфатени околу 1000 метри квадратни. Средствата за реновирањето на салата, што се врши по 36 години од изградбата на објектот, ги обезбеди Министерството за култура, односно Владата на Р.Македонија.
Вкупната сума потрошена за реконструкција е над три ипол милиони денари.
Дополнително ЦК,,Марко Цепенков,,, со спонзорство реконструира дел од ликовниот салон.