Изложба „Псалми“ од Венко Цветков

Во Ликовната галерија на ЦК „Марко Цепенков“отворена е изложбата „Псалми“ од Венко Цветков. ( 22.09.-10.10.2023). Изложбата се реализира со подршка на Министерството за култура и е во годишната програма за работа на Центарот.

Цветков пред прилепчани се претставува со дела кои се базираат на постмодерен синтетички ликовен слог при што тој зема примери од сликарството на германскиот сликар Сигмар Полке.

-Синтезата ја структуира така што во визуелниот контекст вклучува елементи од средновековното македонско сликарство. Полето на неговиот интерес е концептот на христијанството во кое нема конфликт помеѓу популарната култура и духовното размислување. Делата на Цветков се повикуваат на иконографијата на православното сликарство како и псалмите од светото писмо, а тоа е интерпретирано во потполно нов духовен, односно мистичен начин - вели м-р Матеј Мтетликовиќ, академски сликар.

Цветков со изложбата израснува во „праведник на формите отелотворени од библиската поетика“ и со својот раскошен талент создава предизвик за секој познавач на средновековната ликовна практика, видлива во социјативните насоки на неговата творечка визија. Тестамент за безвременската убавина на византоликите колоратури, изложбата на Венко Цветков самата по себе е стихувана панорама на визуелни парадигми инспирирани од мегапотентниот вруток на библиските епови – вели проф. д-р Елизабета Димитрова.

Венко Цветков завршил Виша педагошка академија во Скопје во 1976 година кај проф. Спасе Куноски. Дипломирал на Академијата за ликовни уметности во Љубљана во 1984 година кај. проф. Киар Мешко. По завршувањето на студиите во Љубљана се враќа во Македонија и работи како реставратор на средновековно сликарство и истовремено активно твори во областа на современото сликарство. По 2007 година работи како професор во СУ „Лазар Личеноски“ од каде во 2022 година заминува во пензија. Покрај самостојното ументичко творештво интензивно работи и на отсликување на православни храмови во Македонија

Кино МИС СТОН 25 и 26.09.2023 -20.00ч.

Влезниците за филмот се пуштени во продажба на билетарницата од Центарот од 10 до 13 и од 17 до 20.00ч.
Четврток и петок

Активности Септември – Октомври

22.09 ( петок ) Претстава за деца ( Балада ) ; 10.30 и 12.00 ч.

22.09. (петок ) Концерт на „ Љубојна “ ; 20.00ч

25.09. ( понеделник ) Проекција на филм „ Нешто слатко “ ; кино Мис Стон 20.00ч

26.09. ( вторник ) Проекција на филм „ Нешто слатко “ ; кино Мис Стон 20.00ч

29.09. ( петок ) Проекција на филм „Жими мене “ ; кино Мис Стон 20.00 ч.

29.09. ( петок ) Изложба на Душан Коцев ; фоаје 19.00 ч.

....................................................................................................

04.10 (среда ) Доживувањата на куферко – претстава за деца ; голема сала 11.00 ч.

07 и 08.10 ( сабота и недела ) Фестивал за деца „ Ѕвездички “;голема сала 19.00 ч.

09.10. (понеделник ) Трибина за зачувување на менталното здравје; фоаје 18.30ч.

10.10 ( вторник ) Изложба на ДЛУП ; фоаје 20.00 ч.

13.10. ( петок ) Концерт на пијано Горан Србиновски ; фоаје 19.00 ч.

18.10 ( среда ) Гостување на „Солзи и смеа “ ; голема сала 20.00 ч.

19 .10 ( среда ) Концерт на Октет Прилеп ; голема сала 20.00 ч.

20.10 ( петок ) Гостување на Опера со Гала концерт ; голема сала 20.00 ч

28.10. (сабота ) Концерт на хор Вit Vox – Битола ; кино Мис Стон 19.00 ч.

Изложба на дела од членови на ДЛУП

Во Ликовната галерија е отворена изложбата  "Креации од ноќта-уметност инспирирана од соништата" на 15 уметници - членови на ДЛУП.. (1 до 15.09.2023).

Со дела се претставуваат Анита Сотироска, Бојана А.Трпческа, Ферди Булут, Александар Џинго, Методија Исков, Лепа Милошевска, Маја Р.Миладиновски, Дарко Талески, Елена Димоска, Верче Николоска, Александра Богоеска, Викторија Димеска, Филип Јовески, Марта Макеска и Емил Солески.

Изложбата ја отвори  Викторија Димеска, историчар на уметност, која истакна дека симболиката на сонот служела за одгатнување на психичката активност на потсвеста и начинот на којашто влијаела врз однесувањето на поединецот во секојдневието. 

-Особен предизвик и инспирација за група современи уметници, односно членови на ДЛУП Прилеп е токму сонот. Имајќи ги во предвид нивните основни концепти и принципи, уметниците/учесници создадоа дела од сопствениот уметнички афинитет и со помош на разни техники и материјали - рече Димеска.