Изложба „LIFE IS A GAME -ART IS A LIFE II“ од Буба М. Солак
Во галеријата на ЦК „Марко Цепенков“ е отворена изложбата „LIFE IS A GAME -ART IS A LIFE II“ од Буба М. Солак во рамките на Прилепското културно лето.
Љубителите на ликовната уметност имаат можност да присуствуваат на еден интерес концепт од изложба преку која се пренесува ,,Играта,, на поинаков начин меѓу авторот и гледачот, која ги спојува взаемните имагинации и искушенијата кои се интересен момент, но и одговор до каде оди трансформацијата и комбинацијата на градењето на ново расположение.
Буба М. Солак завршила ФЛУ отсек графика со конзервација и реставрација во класа на проф. Зоран Јакимовски, член на ДЛУМ, ДЛУБ , ДЛУК И ИКОМОС, а работи како професор по ликовна уметност во Битола. Работела на проекти за конзервација и реаставрација на објекти, била учесник на повеќе колонии во земјата и во странство, имала самостојни изложби низ Македонија, Германија, Обединетите Арапски емирати, а годинава оствари студиски престој во Париз, Франција. Добитник е на повеќе награди и признанија.