Од 5 до 14 август во Ликовната галерија од НУЦК „Марко Цепенков“ беше отворена изложба на слики и цртежи од Среќко Здравковиќ од Србија, со која тој одбележа 50 години творештво. Уметникот беше годинашен учесник на меѓународната ликовна колонија Дрен 2024, што ја реализираше Центарот.
Среќко како творец е препознатлив, со автентичен уметнички ракопис, а неговите дела се преполни со фигурација и со симболи.
СРЕЌКО ЗДРАВКОВИЌ, е дипломиран сликар, професор и досега има реализирано околу 70 самостојни изложби, околу 500 групни изложби, а учествувал и на голем број ликовни колонии. Добитник е на бројни награди и признанија за исклучителен придонес во културата во Србија. Покрај со уметничката работа, се занимава и со графички дизајн и педагошка дејност. Графички уредувал 150 книги, плакати, брошури, каталози, дизајнирал 100 меморандуми-заштитни знаци. Има извајано десетина портрети во бронза, реализирани неколку мозаици на цркви и насликани околу 50 икони и насликани цркви („ал-секо“ фрески).
