Изложба на дела од Кичевската ликовна колонија
Во ликовниот салон од ЦК „Марко Цепенков“ e отворена изложба на дела од меѓународната Кичевска ликовна колонија, на која се изложени творби од 19 автори учесници на колонијата од земјата и од Бугарија, Србија, Црна Гора, Казахстан, Малезија, Албанија, Кипар …
Меѓу делата се наоѓаат и творби од еминентите македонски автори Жарко Јакимовски, Васко Ташковски, Слободна Милошески, Емил Шулајкоски, Ѓорѓи Чулаковски- Ѓото, Решат Амети, Христина Зафировска и др.
– Секој од овие творци преку изборот на својот ,,личен говор,, се обидуваат да воспостават една нова врска меѓу духот и сопственото време. Да ни ја откријат вистината и од онаа страна што ни е малку позната. Твроештвото е слобода на мислата, сублимат на духовната слобода. Времето што застанало на нивните платна и скулптури не е само време на уметникот, туку и наше време – ќе забележи Жарко Јакимовски.