Изложба на дела од Ликовната графичка колонија – Македонски брод
Изложба од 27 графики од меѓународната ликовна графичка колонија – Македонски брод е отворена во галеријата.(30.1. – 13.2.2015) претставени делата од 11 уметници од земјата и странство кои учествуваа на минатата графичка колонија. Според Александар Џинго куќата покрај двориштето на пештерата во Пешна, ги собира уметниците на овој современ свет во закрилата на графичката ликовна колонија каде што кругот на создавање на уметноста живее и не е затворен.
– Да се биде токму на оваа колонија значи да се оттргните од јароста и суровата стихија на секојдневието, па да се препуштите во светот каде што само уметноста има вредност. Пешна издишува сила и ги полни со енергија душите на уметниците, така што целиот свој креативен и естетски набој, тука, го преточуваат во создавање на неповторливоста во графичкиот лист. Уметниците создадоа графики кои содржат симболична порака на вечноста – истакнува уметникот Александар Џинго.