Изложба на дела од Вевчанската колонија
,,Вевчански видувања,, е тематската изложба отворена во галеријата. Изложени се 30 слики насликани од уметници од земјата и странство, меѓу кои реномираните македонски творци академик Васко Ташковски, Павле Кузмановски, Петар Попчев, Новица Трајковски, Томе Мишев, и др. учесници на меѓународната Вевчанска ликовна колонија.
– Сликарите дојдени од повеќе земји потврдуваат дека во Вевчани сликарот може да ја наслика тишината, но и светлината да ја преточи во рапсодија од бои, подарувајќи на платното, во знак на взаемна и вечна творечка љубов, самопочит и разбирање – вели новинарот Мишо Китановски.
Вевчанската колонија постои од 2010 година. Досега учествувале над 50 реномирани ликовни ументици не само од Македонија, туку и од Русија, Грција, Бугарија, Албанија, Србија, Египет, Франција.
