ИЗЛОЖБА НА ГРАФИКИ
Во галеријата е отворена изложба на графики од графичката колонија – 2010 – 2011 од Македонски брод. Презентирани се 27 графики од уметници од земјата и од странство. Изложени се дела од Александар Тасески – Џанго, Симон Шемов, Ива Јосифова, Јадранка Урдаревска, Дарко Трпчески, Андријана Начевска – Мациев, Нагип Исмаили, Дијана Богдановска, Славко Тренкоски – Лок, Лина Тренкоска, Билјана Бинкев, Горан Јованов, Арнела Муриќ, Неврус Каралешит, како и од бугарските графичари Михаела Ганчева – Гаджева, Татијана Илиева – Златева и Марија Ефтимова. Според доцент Марија Ефтимова, харизматичната природа на Поречието, создала една волшебна атмосфера и им овозможила на творците во Колонијата да ги пресоздадат своите чувства, мисли и состојби на духот во неверојатната исказна форма на графиката. Авторите експериментирале со нивниот израз, работејќи во различни насоки на современата уметност. Едни зборуваат за израз на мисли и чувства, други за филосовско толкување, трети за традицијата.
![](https://markocepenkov.org/wp-content/uploads/2024/06/Bura-3-300x200.jpg)