Изложба на графики од Евгениј Пантев
Во галеријата од Центарот, на 14 февруари 2014 година, е отворена изложба на графики од уметникот Евгениј Пантев, кој се претставува со 25 графики.
Евгениј Пантев, дипломирал на одделот за графика и графички дизајн на Факултетот за Ликовни уметности ,Скопје. Моментално e на постдипломски студии на ФЛУ Скопје. Реализирал групни изложби во Македонија, Бугарија,Србија, Босна и Херцеговина, Хрватска, Романија, Грција, Турција, Шпанија, Португалија, Франција, Англија, Италија, Полска, Литванија, Холандија,Англија, Египет, Канада, Јапонија, Кина, Русија, САД , како и самостојни во Скопје, Битола, а учествувал и на воркшопови, колонии.
Според Дејан Буѓевац, Евгениј Пантев, со својот досегашен опус, артикулира тивок графички интегритет посветен на сопствената лексика, на своите ликовни медитации и на перманентната проверка на ликовниот ентитет на сувата игла(длабок печат), како не-случаен избор во личниот творечки чин.