Изложба на графики од Лина Тренкоска
Изложба на 27 графики од уметницата Лина Тренкоска од Македонски брод е отворена во галеријата на Центарот.(13.3. до 27.3.2015) Тренкоска на првата самостојна изложба во Прилеп се претстави со графики работени во техниката дрворез и комбинирана техника, на кои се претставени најразлични мотиви, но најмногу се застапени портрети и пејзажи.
-На делата го пренесов опкружувањето околу мене – вели авторката, потенцирајќи дека делата и се работени во последните две години.
Тренкоска има завршено ФЛУ во Скопје – оддел графика со дизајн, и работи како професор во средно училиште во Македонски брод. Има реализирано повеќе самостојни изложби, а учествувала и на групни, а била дел од повеќе ликовни колонии во земјата и во странство.