Изложба на Мариана Везарова
,,Едно лето,, е тематската изложба на слики од уметницата Мариана Везарова од Бугарија, што е отворена во галеријата од Центарот.
На Везарова и е прво претставување во Прилеп, а преку делата ја пренесува убавината на природата, на мистичното кај морето, тревите, дрвјата, цветовите. Тука е и божјото присуство, силата на љубовта.
– Делата, акрил на платно ги насликав на убави места низ Македонија, како Михајлово, Валандово, Кавадарци со многу емоции – вели Везарова.
Податоци за уметницата:
Мариана Везарова има завршено Уметничка академија во Софија во класата на професорот Васил Овчаров. Завршила и арт менаџмент во Бостон, САД. Имала изложби во галерии низ Бугарија, Канада, Велика Британија. Нејзини слики се наоѓаат во Мароко, Јапонија, Африка, Франција, САД, а учествувала на колонии во Бугарија, Македонија, Бали, Грција.
12 години работи како професор на Универзитет во Благоевград.