Концерт во чест на Тоше Проевски
Во големата сала на ЦК ,,Марко Цепенков,, во петок 10 декември, се одржа првиот традиционален КЛАСИЧЕН КОНЦЕРТ, во чест на ликот и делото на македонската и балканска мега ѕвезда Тоше Проевски. На концертот настапија : Марјан Николоски, тенор Ирена Крстеска, сопран, Теодора Божиноска, мецосопран, пијанист Аљоша Симјаноски, Андреј Наунов, пијанист- корепетитор. Организатори на концертот се ,,АРТ 10 продукција,, и меѓународната фондација ,,Тоше Проевски,, со поддршка на Министерството за култура и општина Прилеп. Во наредните години се планира концертот да биде традиционален со настап на големи ѕвезди и имиња од светската класична сцена, а ќе се одржува и во амфитеатарот, во спомен куќата на Тоше во Крушево.