Македонска премиера на документарниот филм “Повратна карта”
Во понеделникот, 13 август 2012, на камената бина на плоштадот Александрија премиерно беше прикажан македонско – словенечкиот документарен филм “Повратна карта,,, во кој се пренесени приказни на Македонци и Словенци кои се поврзале заради различни причини – љубов, туризам, историја…
Филмот е во режија на Тадеј Чатер, по сценарио на прилепчанката Билјана Зероска Становник, која живее и работи во Љубљана. Во јанаури годинава беше прикажан на словенечката национална телевизија и предизвика голем интерес. Наскоро премиера ќе има и на МТВ.
Премиерата на филмот, сниман 2011 година, беше во рамките на манифестацијата “Цело лето – културно лето” организирана од ЦК “Марко Цепенков” и општина Прилеп.
,,Повратна карта,, планирано е да се прикаже на повеќе меѓународни филмски фестивали..
