Изложба на графики од Жарко Стевковски
Со самостојна изложба на тема ,, Збир на ликовни значења,, во галеријата на ЦК ,, Марко Цепенков,, се претстави (март 2012) графичарот Жарко Стевковски од Скопје. Младиот уметник изложи 20 графики, работени во период од 2009 до 2011-та година. Делата, се работени во речиси сите цртачки техники – од длабокиот печат – молив, пастел, јаглен, сува игла, бакропис, акватинта, мецотинта… Стевковски, кој магистрирал на одделот за графички техники на ФЛУ, досега имал самостојни изложби во Скопје и во Куманово. Претходно учествувал на групни изложби, меѓу кои на факултетските поставки, на новогодишна мала графика, на Меѓународното графичко триенале, на изложба во МСУ во Белград, како и на манифестацијата Мала графика.