Слики од Гордана Талевска
Со изложба на слики во галеријата на Центарот од 18 до 31 мај 2012 година се претставува битолската уметницаГордана Талевска. На првата самостојна изложба во Прилеп уметницата се претставува со 24 слики, работени во последните неколку години.
Таа е дипломиран сликар од Универзитетот,, Неофит Рилски,, од Благовеград, Бугарија во класата на Емил Куков и Игнат Игнатов.
Претходно самостојни изложби имала во родната Битола, во Кавадарци и во Неготино, како и бројни групни изложби.
Член е на ДЛУП Битола, на повеќе уметнички друштва, а дел од своите дела ги создавала на ликовни колонии низ Македонија и во Бугарија. Учествувала и во реализација на бројни уметнички проекти, како што е и конзервација и реставрација на предмети од археолошки истражувања на Јени џамија, на Хераклеја…
