Цртежи и графики од Димитар Малиданов
Во галеријата беше отворена (1 јуни- 2012) изложба на цртежи и графики од Димитар Малиданов, редовен професор на ФЛУ во Скопје.
Уметникот дипломирал на Академијата за ликовни уметности во Љубљана.
Со графиките авторот отвора влез во еден неисцрпен и нездогледлив свет исполнет со многу оригинални семиотички и архетипски знаци и симболи. Открива една нова градба на графичката уметност, исполнета со необична убавина.
Досега реализирал 30 самостојни изложби, а учествувал на преку 200 групни во земјата и странство. Малиданов е добитник на награди и признанија, меѓу кои наградата за уметност – 11 Октомври.