Изложба од Ќука, Настески и Соломонова
Изложба на дела од Ема Ќука, Ивана Настески и Сандра Соломонова отворена е во галеријата (11.1.2013). Трите македонски уметници се претставуваат со 30 дела – слики и графики.
Битолачанката Ема Ќука завршила ФЛУ во Скопје(педагошки отсек со графика) во класата на проф. Д-р Зоран Јакимовски. Член е на ДЛУБ. Имала самостојна изложба на манифестацијата Бит-Фест 2012г, учесник е на ликовната колонија,,Нижо поле,,, на групни изложби на ДЛУБ, на Графичкото триенале – Битола.
Тетовчанката Ивана Настески дипломирала на ФЛУ во Скопје -отсек графика, каде што подоцна и магистрирала. Член е на ДЛУМ. Досега самостојно се претставила во Скопје, Белград, Шабац, Дрезден, Тетово, а на групни изложби освен во Македонија учествувала и во Мексико, Србија, Шпанија, Бугарија. Била дел од повеќе колонии. За нејзиното творештво наградена е со наградите Октомвриски салон во Шабац, на четвртото интернационално биенале – мала графика во Тетово и со Гран при за графика на ДЛУМ.
М-р Сандра Соломонова е диполомиран педагог графичар од ФЛУ Скопје во класата на д-р Трајче Блажески. На овој факулет и магистрирала. Досега имала самостојни изложби во Скопје, Струга, Охрид,, а учествувала и на групни во земјата и странство.
