Изложба “Предели” на Драган Најденовски
Изложба на 30 слики во комбинирана техника “Предели” од битолскиот уметник Драган Најденовски е отворена во галеријата во рамките на Прилепското културно лето.
Најденовски како уметник учествувал на повеќе групни изложби низ земјата и странство, на меѓународни манифестации на графика, како и на ликовни колонии и е добитник на повеќе награди и признанија. Самостојно имал изложби во Битола, Сараево – БиХ, Прилеп, Скопје, Кавадарци, Пазарџик – Бугарија, Неготино, Скопје…
За неговото творештво Роберт Цветковски – историчар на уметност, ќе забележи дека е ликовен автор со солиден излагачки багаж и дека контактите со другите уметници и нивните дела несомнено извршиле влијание врз сликарската визија, но, секако , тука се и архетипските слики коишто секој сликар интуитивно ги вградува во своите дела.
