Прв двоброј на Стремеж за 2012 година
Отпечатен е двобројот 1 – 2 на списанието за литература, уметност и култура ,,Стремеж,, за 2012 година, во кое се објавени поезија, критики, есеи, преводи и препеви од истакнати македонски и странски автори.
На почетните страници се песните од Весна Ацеска, Јовица Тасески – Етернијан, Кирил Бисеркоски и Елизабета Тодороска, како и преводите на поезија од ирскиот поет Ноел Кинг и арапската поетеса и драматург Натали Хандал.
Двобројот 1-2 ги донесува преводите на современите романски поети Марнус Челару, Ирена Лучија Михалка, Николас Григорие Марашану, Јон Деаконеску, Јон Кристофер и др.
Читателите во ,,Стремеж,, ќе ги прочитаат и критиките на Диме Митревски (Преведувачкиот профил на Јозеф Холечек – чешките препеви на Зборникот на браќата Миладиновци) и есејот на Трајче Крстески за Прилепскиот гуслар Апостол.
Списанието се печати со поддршка на Министерството за култура.