Од 5 до 19 април 2024 г. во ликовната галерија од Центарот е поставена изложбата на дигитални фотографии „Божури“ од Милан Темелкоски, кој се претставува со 23 фотографии, на кои се претставени божури.
-„Божури“ се фотографирани на Плаошник, Охрид во 2010 година. Се работи за постари фотографии во боја. Инспирацијата за создавање на фотографиите беше слика од уметникот Кирил Гегоски, која исто носи наслов „Божури“ изработена 1993 година. Кога ги видов божурите ме поттикнаа и ги реализирав фотографиите – вели Темелкоски.
Милан Темелкоски со фотографија се занимава од 1980 година. Досега има реализирани неколку изложби на фотографии.
