Изложба „Напуштени предели“ од Никола Пијанманов

Изложбата „Напуштени предели од уметникот Никола Пијанманов од Струмица е отворена во ликовната галерија на ЦК „Марко Цепенков“. (до 18.11.2022).

„Напуштени предели“ во НУЦК „Марко Цепенков“е негова тринаесетта самостојна изложба. На изложбата претставени се дваесетина слики во комбинирани техники, работени последните две години.

„ Напуштените пејзажи„ се полни со присуство од тишина и видливи траги на заборавот и исчезнувањето. Природата никогаш не е празна дури и кога е осамена и напуштена од човекот. Во тишината на празните простори се втиснале трагите на присуствата. Првично, идејата за оваа изложба се појави од болот и тагата набљудувајќи ги напуштените места, домови, села, полиња и идилични предели во мојата земја. Прашањето беше, зошто секогаш се напуштаат најубавите места во замена за полошите? Достоевски се прашувал, „како може секогаш толку многу народ да се собира во загушливите и тешки градови, во мизерија и нехумани услови, во мрачните предградија на метрополите“?! Подоцна почнав да разбирам дека слободата и изборот да се биде во ненаселени и неорганизирани места е потешка, затоа што тишината и одделеноста носат архетипска припадност на првобитноста на постоењето – вели уметникот.

Никола Пијанманов е роден 1981 година во Струмица, Р. Македонија. Средно уметничко училиште и Факултет за ликовни уметности завршил во Скопје, во класата на професорот Рубенс Корубин. Има реализирано повеќе самостојни изложби во земјата и странство, и оставено неколку јавни дела во простор. Се занимава со сликарство и скулптура, пишува есеи и критички осврти, како и рецензии за каталози од ликовната дејност и списанија за култура. Реализирал повеќе сценографии за театарски претстави и уредник е на неколку монографии за ликовни творци. Уметнички организатор е во Здружението за култура Транзен. Член е на ДЛУМ. Живее и работи како самостоен уметник.

Петок 28.10.2022-19.00ч.

Две награди за анасамблот на Прилепскиот театар на „Денови на комедијата“ во Куманово

https://mia.mk/%d0%b4%d0%b2%d0%b5-%d0%bd%d0%b0%d0%b3%d1%80%d0%b0%d0%b4%d0%b8-%d0%b7%d0%b0-%d0%b0%d0%bd%d0%b0%d1%81%d0%b0%d0%bc%d0%b1%d0%bb%d0%be%d1%82-%d0%bd%d0%b0-%d0%bf%d1%80%d0%b8%d0%bb%d0%b5%d0%bf%d1%81%d0%ba/

ИЗЛОЖБА ПЕЈЗАЖИ ОД ДЕЈАН ИВАНОВ МАРГУШ

Во Ликовната галерија отворена е изложбата „Пејзажи“ од академскиот сликар Дејан Иванов Маргуш. (трае до 25.10.2022). На изложбата се претставени 20 слики работени годинава. Инспирација на уметникот му е нашето македонско поднебје, односно македонските предели.

Дејан Иванов Маргуш, дипломира на Факултет за ликовни уметности 2005година во класата на Јован Шумковски и Рубенс Корубин. Работи и витражи и мозаици. Член на ДЛУМ од 2005год. Има реализирано бројни самостојни изложби, групни, учества на повеќе колонии, а добитник е на повеќе награди.