На крајот сме од 2021 година. Измина уште една година полна со неизвесност заради пандемијата од ковид 19.  Како Центар, во целост ги почитувавме протоколите за заштита од ковид 19 при реализација на настаните.  

И благодариме  на нашата  бројна публика која присуствуваше на нашите проекти.

Имавме доста успешна година, реализирајќи околу 150 настани, премиери на претстави, концерти, изложби, промоции на книги, проекции и редовни  претстави на театарскиот репертоар.

Традиционално ја одржавме ликовната колонија Дрен 2021 и нашата институција беше поддржувач на манифестации од широк јавен интерес,

Очекуваме поубава и посреќна Нова 2022 година.

Со многу повеќе настани,

поголемо Ваше присуство на настаните,

 подобри услови за работа.

Да бидеме повеќе со Вас почитувани пријатели и  заеднички да остваруваме

за подобро УТРЕ на културата и уметноста во градот!

Изложба на дела „Мал формат“

Изложба на дела „Мал формат“ е отворена во Ликовната галерија. Љубителите на уметноста во наредните три недели (24.12. 2021 – 15.1.2022) ќе имаат можност да се запознаат со делата Мал формат од 30 уметници – членови на ДЛУМ, меѓу кои Андријана Мациев, Дејан Иванов Маргуш, Драган Верговски Алпи, Жаклина Глигориевска Кочовска, Ирена Паскали, Маја Танева, Марија Светиева, Мирјана Крстева Массетти, Слободан Милошевски, Тања Tаневска, Стефан Хаџи Николов, Христина Зафировска...

Малиот формат како творечки предизвик претставува честа дневна практика на ликовните уметници. Магијата на „малиот квадрат“ во површина 25х25 см. претставува искушение и за најголемите мајстори на визуелната уметност. Чувството на внатрешниот порив да го совлада малиот квадрат, на концизен, лапидарен, понекогаш метафоричен и езоповски начин да го транспонираат собитието и мотивот од големите форми во помалата мерка. Изложбата „Мал формат“ на ДЛУМ е традиционална поставка на крајот на секоја година, а темите се слободни. Има дела со кои уметниците се навраќаат кон природата, кон пејзажот, но колорит и композиции кои се апстрактни.

Изложбата е поддржана од Министерството за култура и е во соработка со ДЛУМ.

НУЦК МАРКО ЦЕПЕНКОВ - ПРИЛЕП - ТЕАТАР "Војдан Чернодрински"

Љубителите на ликовната уметност ќе проследат дела создавани од ликовните амбасадори од целиот свет во Старата битолска чаршија непрекинато четири децении. Монмартр низ годините блескаше со својата шарена порака за мир, љубов, уметност.... испишана на десетици јазици со безброј нијанси на бои од детските ликовни творби кои  пристигнуваа во Битола.

Изложба „Suzanne“ од Ивана Мојсовска

Во Ликовната галерија отворена е изложбата „Suzanne“ од уметницата Ивана Мојсовска. ( 19.11. – 2.12.2021) На Изложбата се изложени две слики и пет фотографии.

Изложбата еинспирирана од веќе реализираниот танцов перформанс во колаборација со кореографката Адријана Данчевска, која е и субјект на овие дела.

-Сузан е измислен карактер кој ни ги пренесува екстремните расположенија на една млада жена која се бори со сопствените емоции и пориви. Во овој проект, карактерот на Сузан е повторно предмет на естетската материјализација каде преку фотографијата како медиум, ги доловувам моментите на екстаза и кинестетичка емпатија. Во дел од фотографиите акцентот е ставен на централниот субјект, односно ја гледаме Сузан во нејзината трансцеденција, додека во останатите дела Сузан е ставена во улога на спектатор и симболично ни ја прикажува сврзаноста на делата со кинестетичката емпатија. Анализирајќи ги танцовите перформанси и фокусирајќи се на перформативноста како процес од кој произлегува некаква акција, се обидувам да го замрзнам тој жив и интензивен момент на одвивањето на самиот уметнички чин – вели уметницата.

Ивана Мојсовскае млад, современ автор кој ги истражува емотивните состојби прикажувајќи ги преку своите експресивни и гестуални записи со кои таа постојано експериментира со нови сликарски медиуми. Делата на Мојсовска кои вклучуваат слики, танцови перформанси, инсталции и фотографија говорат за нејзиниот диверзитет додека експресивноста како правец е задржана во целиот опус.

23.11.2021

Владата на Република Северна Македонија на денешната редовна 120-та седница донесе одлука да биде прогласена тридневна жалост на територијата на целата држава.

Поради ова, сите активности во Центарот за култура се ОДЛОЖУВААТ, вклучувајќи ја и претставата „Глембаеви“ што требаше да се одигра вечерва во театарот „Војдан Чернодрински“.